وناس بمليون وش

وناس بمليون وش
بقلمي محمد عنانى
بينا ناس عايشه بمليون وِش
وكتير كتير تشبه لدود المِش
ماشيه حياتها بكدبه ولا بِغش
لا بتتكسف في يوم ولا بِتكش
أما كلامها فكله نَتش ف نتش
أو في التفاهه بالكتير والقَلش
وغير نميمه عُمرها ما تقولش
توصف بدقه للي ما بيُوصَفش
ووقت زنقتها تقول ما حصلش
ولاغيره فعل الشر ما بتعملش
والمال حرام كله بسرقه وهَبش
وما دام كتير تاخد وما بتسألش
العقل غاب وبضمير مايشوفش
ويا شيطان في سِكتُه ماتتوهش
لكن الحقيقه الكدب ما بيدومش
حتى إن نفع دا أكيد ما بيطولش
وشمعته من الزيف ما بتنورش
والصدق مهما غاب ما بيموتش
والحق لو إختفا حَبَه ما بيضعش