ولا منك راحة يا ضناي

ولا منك راحة يا ضناي
خواطر أغاني الأسواني
قلم الشريف_أحمد عبدالدايم

أهلي وحبتي وحشتوني وزاد شوقي لأهلي فى أسوان
بالمستشفى محجوز مع ابني اللي قدمته هدية للأوطان
….ـ….
بالعافيه أخذت الإجازة الســنوية وماخدتهاش من زمان
قالوا الطب اتقدم فى حالات مرض ابنك من زمان
….ـ….
حجزت لأمه معاي تذاكر القطار السريع وكان في نهار رمضان
جايبة معاها الدموع وٱهات جرح قلبي اخفيته كما الشجعان
….ـ….
تخفي عيني الدموع رغم عصر قلبي بالآلام
قوم يا وحش أنا بيك ياود ابوك بتحدى الأيام
….ـ….
واحتار الأطباء في الحالة ولا حد عنده دواه
وكل شيخ يقول أنا اللي عندي شفاه
….ـ….
دموع ونحيب وغصة قلبي معصورة جوايه
فجر الجمعة الحزين أنا فقدت ضنايه
….ـ….
نعمل ايه يا ولدي قدرنا ومكتوبي
دموعنا جفت وبالدم بليت توبي
….ـ….
كاس الفنا دار ما سايب شاب ولا شايب
وقلبي راضي عليك ياللي كنا حبايب
….ـ….
اعتب عليك ولا على الدنيا الفاني
تركتني مشيت وبقيت أنا الوحداني
….ـ….
استغفرك ربي واستودعته عندك من الشهداء الأحباب
واربط عليه القلب عسى تنام يوم الأهداب

ولا منك راحة يا ضناي
خواطر أغاني الأسواني
الشريف_أحمدعبدالدايم