جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج وداعا الفنانة الكبيرة سهير البابلي
متابعة/نانسي سعيد
في لقاء سابق للفنانة سهير البابلي في برنامج١٠٠ سؤال صرحت بالسبب الحقيقي لارتدائها الحجاب
“ارتديت الحجاب لاني خفت من ربنا ومن الي هيحصل لي بعد كدة واني هتحاسب على كل صغيرة وكبيرة واتكسفت نفسي لما لقيت بنتي انحجبت وهي لسه صغيرة ومكملتش ١٧ سنة قلت لنفسي يعني تبقى عارفة في الدين والقرآن كتير بالشكل ده وابقى انا شاغلني التمثيل فمحبتش الوضع ده”
وصرحت ايضا الفنانة سهير البابلي مع الاعلامي مفيد فوزي “خلفت بنتي وانا عندي ١٦سنة”
“اتجوزت وانا عندي ١٥سنه و٨شهور وكان ساعتها بالنسبالي تجربة حلوة وجميلة وعظيمة لاني كنت بحبو فضلنا سنه نتقابل واحنا سايقين العجل في الهرم وبعد ذلك اتخطبت واتجوزت وكنت انا في المدرسة وهو في الجامعة لكن بعد سنه جواز خلقت بنتي وأطلقت”
في لقاء سابق لفنانة رحمه الله عليها سهير البابلي في برنامج الليلة “الحمد لله ام اما على خشبة المسرح”
“عندما ذهبت لاداء فريضة العمرة كان في حاجات جامدة جوايا تعباني فبكيت وانا ساجدة في الحرم وقلت يارب كرهني في المسرح لما رجعت مصر في خلال ٦شهور سبت المسرح الي قولت كتير ان نفسي تموت على خشبته والحمد لله الذي عافاني ولم اما عليه صدقوني لو كنت مت على خشبة المسرح كان هيكون مقلب كبير قوي”
تخلصت ايضا الفنانة سهير البابلي من اموال الفن بسبب الشيخ الشعراوي وصرحت ذلك في لقاء سابق في برنامج العاشرة مساء
“الشيخ الشعراوي انسان جميل وواقعي جدا مقليش اعتزليولا قالي الفن وحش قالي نقي الادوار الحلوة الي بتقول كلمة ومعنى هادف للناس ومقاليش تتخلصي من اموالك بسبب الفن ولما اتخلص منها هصرف منين!؟ ولما المفروض نتخلص منها قالي ليه مثلي فن هادف!؟ مقالي خالص ده
هناك موقف مؤثر للفنانة سهير مع الشيخ الشعراوي في الحج في لقاء سابق مع الاعلامي مفيد فوزي
“واحنا في الحج الشيخ الشعراوي خلانا قعدنا كلنا على الكراسي وقعد هو على الارض وقال لي “انتي شيختنا” فاستغربت وقولته انا!؟ ليه يا شيخنا ليه يا عظيمنا وقالي “انتي سبتي حاجه علشان ربنا انما احنا مسبناش احنا اتعلمنا من الكتاب ان نبقى مشايخ الكلمة ديه اثلجت صدري والله وحقيقي هذا الرجل مش هيحصل تاني ابدا”
