جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
متابعه/ نانسي سعيد
اثارت الفنانة نجلاء بدر الجدل بعد ارتداءها لفستان جرئ في مهرجان الجونة وعلقت على منتقديه قائلة :”الفستان عادي بس اتشاف غلط لانه في الحقيقة غير قدام الكاميرا ولو رجع بيا الزمن هلبسه تاني لانه حلو وعاجبني طول عمر الريد كاربت شبيهة بالفاشون شو ، في بيوت ازياء بتتنافس علشان تلبس فنانين انا مش بعرض الفستان علشان تشتري ده ميخصكش كمتفرج مش هتقول عاجبني ولا لاء انت مش جاي تقيم الفستان اصلا ”
واضافت ايضا الفنانة نجلاء:”مش هشتغل مع واحد ومراته تاني”
“معنديش مشكلة مع محمد سامي ولا مي عمر لكن مش هشتغل مع واحد ومراته تاني ولا حتى صاحبته القرايب في المهنة الواحدة بتبوظ الشغل واحنا الي بنتفرم في النص مش صح ان الموضوع يتقلب عائلي في الشغل شغّل متشغلش صحبك ولا قريبك ولما يبقى في مصالح وقرابة بتظهر نفسنة وبيتقال اشمعنا بيعملوا ده كويس وده لء ومدخل في حوارات مش بتاعتنا ”
كما تابعت الفنانة نجلاء بدر مع برنامج اسرار النجوم وكشفت السن المناسب للزواج
قائلة:”مكنتش متخيلة اني هتجوز زوجي الحالي كان هو متجوز ومخلف وانا كنت في حتة تانية كل خططي حصل عكسها الزواج على كبر مخليني انضج صحيح انا اتاخرت شوية بالنسبة للخلفة بس كويس متجوزتش في العشرينات لذلك دائما بقول السن المناسب للزواج من٢٨ل٣٦ سنة”
كما ابدت الفنانة نجلاء بدر رايها في الفنان محمد رمضان متابعة:”المشكلة مش في محمد رمضان ولكن في الناس الي حواليه هو شخص بسيط ومتواضع جدا لكن الناس الي حواليه مش كدة وقت ما يجي يقولك النجم جه ياجماعة في ايه ودائما حاسس بنظرية المؤامرة فا ده بيخلي عنيف شوية في الرد على السوشيال ميديا”
وتابعت الفنانة قائلة:”بنسى زوجي وانا في التصوير فبخاف على علاقتي بيه لذلك دائما بحاول الاقي يوم ليا انا وهو بس نخرج سوى او اطبخ بنفسي ،في تفاصيل بحرص عليها علشان مهدمش بيتي بسبب الشغل”
وقالت نجلاء بدر:”الراجل هو الي ميقولش لمراته تلبس ايه”
“في ناس افتكرت ان جوزي مش هيجي معايا المهرجان بعد جدا الفستان لكنه اصر يكون جنبي وقالي انا لو مش هقدر ادافع عنك يبقى انا مش راجل في رجاله تقولك لا انا مش هنزل مراتي لابسه كده لا انا يعجبني الراجل الي يقولك البسي الي انتي عاوزاه انا كفيل اني احميكي الي يقولك متلبسيش ده علشان مش هيقدر يحميكي اننا الراجل الحقيقي يقولك اعملي الي عاوزاه في وجودي”
