جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج ==== معلشي يا دنيا ====
تأليف /صلاح شعبان الفيداوي
معلشي يا دنيا سماح
زعلان منك والله
نفسي فيكي أرتاح
لكنك إنتي تلاهي
معلشي يا دنيا سماح
زعلان منك والله
******************
وخدنا في سكة طويله
والزينة فيكي جميلة
والراحة في حياتنا قليلة
وبشقانا إنتي بتتباهي
معلشي يا دنيا سماح
زعلان منك والله
*******************
إمبارح زى اليوم
وبكره جاى بهموم
والكل عايش مهموم
ولا ينفع فيكي الساهي
معلشي يا دنيا سماح
زعلان منك والله
*******************
تاعبه قلوب الناس
وشاغلة العقل ف الراس
مع إن إحنا حراس
والحرص عليكي دواهي
معلشي يا دنيا سماح
زعلان منك والله
********************
بقلمي
صلاح شعبان الفيداوي
القاهرة
