مشاكل القراء

كتب سلامه الشرقاوي

انا خريجة صيدلة اكلينيكية اتجوزت 2018 و اتطلقت من اسبوعين
انا من المعادي و طليقي كان من المنيا و هو خريج كليه زراعه
اول ما اتجوزت قال لي هعمل لك صيدلية باسمك و بالفعل عملت له التراخيص باسمي و هو فعد في الصيدلية و مكنش ييسمح لي انزل ابدا و يقول لي اصل عيب الست تنزل تشتغل
قلت مش مشكلة و شوية و لقيته عاوزني اعيش معاهم في العيلة و انا متفقه معاه نبقى لوحدنا و وافقت بس اتفاجئت بطريقة معيشة مختلفة و طريقة اكل مختلفة او بمعنى أصح بشعة
بياكلوا كلهم في طبق واحد و يغرقوا الاكل شوربة و الاطفال عفوا تبصق في الاكل و يمسحوا ايديهم في هدومهم و اشياء مقززة جدا غير نوعية الاكل اللي مستحيل هاقدر اكل منها و لا اطبخ في مطبخ مليان صراصير .
قلت لطليقي بصراحة ضربني و نزل قال لامه و امه قعدت تشتم و تقول بتقرفي مننا و كلام بذئ
و لقيته ساومني اني انزل اخدم و اطبخ و اعيش تحت و كمان عاوزني اروح الارض 3 ايام في الاسبوع عشان اشتغل زي سلفتي
قلت له يعني شغلي في صيدليتي عيب و شغلي فلاحه في الارض مش عيب ؟
ضربني لدرجة كسرلي كتفي و دراعي كسر مضاعف
و حبسني في البيت غصب عني و اخد موبايلي و حتى مصعبتش عليه يجبس لي و كنت باتحايل عليه يجيب لي مسكن من صيدليتي و مضاد حيوي او يجيبلي جبسونة و انا اجبس لنفسي و بردو مرضاش
لغاية ما صعبت على بنت اخوه فتحتلي الباب و مشيت الفجر قبل ما يصحوا
حاولت اتطلق بالمعروف و مرضاش و قال لي ملكيش حاجة عندي و روحي اخلعيني و الصيدلية بردو مالكيش حاجة فيها
رحت لغيت تراخيص الصيدلية و بلغت انه بيشتغل بدون تراخيص و بيتاجر في الادوية المخدرة و هي موجودة بالفعل بس مبتطلعش غير بروشتة

رفعت قايمة و نفقة احد ما اتطلق و لقيت المحامي بتاعه جايب ورقة عليها بصمتي اني اتنازلت عن كافة حقوقي
طبعا قلت للقاضي انا واحدة دكتورة يعني باعرف على الاقل اكتب اسمي ؛ ايه اللي هيخليني ابصم على ورقة و قات له تكيد هو خلاني نايمة و بصمني و القاضي حكم لي بنفقة زوجية 2000 جنيه و متعة 25 الف و المؤخر 130 الف
هو طلقني غصب عنه عشان النفقة الزوجية بتعد عليه ،
و انا عملت له قضية شروع في قتل و جبت شهود و عملت تقرير طبي و القضية اتأجلت كذا مرة
بالنسبة للقايمة اخدت كل حاجة و هو حاليا هيبوس رجلي عشان اتنازل عن قضية الشروع في القتل بس مش هاتنازل لاني مغلطتش لما انضربت و مغلطتش لما اعترضت على وضع مش مناسب ليا