مشاكل القراء

كتب سلامه الشرقاوي

قصه بنت??

السلام عليكم يا جماعه
انا كنت مخطوبه لمده ٧ شهور
بصراحه هو كان شخص كويس جدا ومحترم وطيب جدا وبصراحه سنه مش باين عليه خالص
المشكله حصلت من شهر لما اخته نزلتله بوست كل سنه وانت طيب وكلام كتير يعني وقالتله تميت ٤٠ سنه من عمرك عقبال الميه
انا شوفت ٤٠ دي وقولت ايه ده ممكن قصدها ٢٨ مثلا ٣٠ كده لكن ايه ٤٠ دي انا سألته قولتله هو انت عندك كام سنه قلي ٤٠ سنه انا ساعتها كنت هتجنن
يا جماعه لما اتقدملي مامته قالت لسه مش كمل الثلاثين يعني كذبه علينا وانا مش سألته
انا عندي ٢٠ سنه
انا اول ما عرفت قعدت اسبوع مش برد عليه وبعدين قولتله كل شي نصيب ومش رديت اجرحه بالكلام قلي حصل ايه وانا بحبك واشتغل يقولي ايه السبب فقولتله السبب انه مامتك كذبت علينا قالتلنا لسه مش كملت ال ٣٠ قولتله أسفه بس انا متجوزش واحد أكبر مني بعشرين سنه انا الحمد لله جميله ومش بايره يعني راح قلي انا اسف وده مش ذنبي وانا والله بحبك وانا اتاخرت في الجواز بسبب انه كنت بجهز اخواتي البنات وانا والله بحبك قولتله اسفه مفيش نصيب
وانا سبته
هو كل يوم يبعتلي
انا والله حبيته بجد علشان هو طيب جدا.
بس انا دايما باخد القرار بعقلي معلش يعني لما هو يكون ٦٠ سنه وانا لسه ٤٠ في عز شبابي واتحسر على شبابي وعمري مع واحد عجوز ليه يعني ما اهو القرار لسه في أيدي
وحصل قبل كده نفس النظام مع عمتي دلوقتي هو وماشيه مع جوزها الناس بتقولها ده والدك
انا سؤالي دلوقتي هل انا غلطانه في حاجه هل انا ظلمته
علشان اخواته البنات كل يوم يبعتولي حسبي الله ونعم الوكيل فيكي يارب توقعي في واحد يطلع عينك زي ما كسرتي قلب اخويا منك لله
هل انا ظالمه