أخبار عاجلة

===== مسحراتي زمان =====

===== مسحراتي زمان =====
من زمان
كنت مسحراتي
راكب حماري
وبدقدق على طبلتي
م العام للعام
ما هيه دي ….
كانت شغلتي
الساعة إتنين
أقوم قوام ….
وورايا صحبتي
أطفال جُمال
ماشيين ورايا
معايا في سكتي
يهللوا ويغنوا
وينقلوا للناس
فرحتهم وفرحتي
أصحوا معانا وافرحوا
وقوموا اتسحروا
يا أهل قريتي
تدب الحياه
في البلد …..
من تاني
وعارف إن الناس
بتستناني …..
ومراتي تجهز لقمتي
ألف البلد قوام
وأرجع من ….
حيث بديت
وأدخل البيت
وكل يوم
على دا الحال
لحد ما تنتهي
دنيتي
مسحراتي
الزمن الجميل
راجل أصيل …..
يرحم زمان
وأيام زمان
ويرحم ….
رنة طبلتي
بقلمي
صلاح شعبان الفيداوي

شاهد أيضاً

رؤية فنية جديدة يرسمها ممدوح الجارحي في الموسم الأول من Golden Vibes

رؤية فنية جديدة يرسمها #ممدوح_الجارحي في الموسم الأول من #Golden_Vibes كتبت / #جيهان_يوسف ✨ العد …

القاهرة تستعد لاستقبال أضخم حدث أزياء عربي مهرجان “آخر موضة” نوفمبر 2025

القاهرة تستعد لاستقبال أضخم حدث أزياء عربي مهرجان “آخر موضة” نوفمبر 2025 كتبت / #جيهان_يوسف …