جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
بقلم/ أيمن بحر
ترامب نزل الخليج غزوة مش زيارة 3 تريليون ونص دولار اتحطّوا تحت رجليه وهو بيشرب قهوة سادة من ذهب دول مش أرقام دى كانت كرامة الخليج وهى بتتباع بالحبة!
وسيبك بقى من كلام الفشخرة..قال يعنى الخليج اشترى ودّ ترامب! لأ يا صاحبى… دول اشتروا سكوت مؤقت على خوفهم!
ترامب خد اللى هو عايزه وسابهم زى ما دخلهم:مرعوبين… متبهدلين… وكل يوم يدفعوا أكتر علشان الكرسى ما يتخلخلش.
والقضية الفلسطينية؟
ولا كلمة ولا حتى مجاملة على الهوا ده التريليونات دى كانت تشتري القضية كلها ومعاها مفاتيح القدس!
كانت ممكن تعمل اقوى جيش فى العالم
بس هما مش فاضيين… مستعجلين يرضّوا ترامب
وفي الآخر؟ اللوم؟
اترمى على مصر!
افتحى الحدود يا مصر!حاربى لوحدك يا مصر
ساكتة ليه يا مصر؟
عارفين ليه؟
علشان مصر الوحيدة اللى مبتدفعش علشان تتحمى… مصر هى اللى بتحمى مصر اللى اتعرض عليها مليارات وقالت لا
قالت: مش هكون ممر لتهجير… ولا شاهد زور على بيع قضية!
فلسطين جوه القلب… مش سلعة ف مزاد سياسى
وساعتها سكتوا
ليه؟
علشان مصر فضحتهم بصمتها… ورعبتهم بموقفها.
مصر واقفة لوحدها… بس وقفتها مرعبة.
واقفـة قدام التاريخ… قدام الزمان… قدام كل خيانة حواليها
وكلهم بيتفرجوا…
وقف الخلق ينظرون جميعا كيف أبنى قواعد المجد وحدى
الخليج بيبيع ومصر بترفض الخليج بيخاف ومصر بتواجه الخليج بيشترى حماية ومصر بتدافع عن نفسهاحفظ الله مصر وقائدها وجيشها
