جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
كركبه
بقلم الشاعر فهمى محمود حجازى
كركبة وحقايق كتير متركبة
غلطات وفضايح متفبركة
والدنيا صبحت بعككة
تهليس وخدع متلعبكة
ولو كنت عبيط خليك كده
وابعد عن حل المعضلة
عايزينك كده فى الونوانه
تبقى حبيبنا و مننا
ولو فقت يوم وصحتلنا
يبقى مكانك مش هنا
ولا دمك كان من دمنا
د. احنا اللي بدعنا السهتنة
وركبنا فوق الشيطنة
وعملنا ملايكة من السما
فا بعد ياشاطر من هنا
واوعاك تحل المسألة
خلينا كده على وضعنا
واوعاك تقرب مننا
ولا تفرق شملنا
د احنا اللي جمعنا ولمنا
تهليسنا عليكوا ولعبنا
بقلم الشاعر فهمى محمود حجازى
