جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
(قالوا عاشق )
بقلمي : جمال القاضي
——————
قالوا عني مجنون وعاشق
قلت ماشي لأن حبك
مش زي غيره
وحبك إنت جوه قلبي
ومن زمان
قلت يوم أنسى حبك
قلبي خاصم أي حب
كان لغيرك ولأن حبك
كان سكونه جوه قلبي
ماقدرت أبعد وخلاني أرجع
بعد ثانيه من الإبتعاد
وقالوا أوصف فيها حبك
قلت لا لأن حبك
وصفه قاصر عنه الكلام
بس معنى ممكن أقوله
نظره أشوفها من عيونك
تخلي قلبي هايم بالغرام
وحاجه تانيه ممكن أقولها
همس صوتك يخلي قلبي
منه طاير واللسان
من عزب صوتك يقول كلام
يقول بحبك ومش عابر عابر
حب أنسى فيه أسامي
وإسمك إنت العقل فاكره
وتلقاه يقوله لكل فايت
وكأنه شايفك إنت فيه
عارفه ليه لأن حبك مس وجنان
وحاجه تانيه بالجوارح وإسأليها
من غيرك إنت مقدرش أعيش
وكان جوابها للسؤال
ولو نار بقربك قلبي راضي
ولو لهجرك جنه فيه أرضى قربك
لأن قلبك بحر صافي وحبك إنت
نجم ساطع والبعد عنك مستحيل
مهما كان بيني وبينك من خصام
بحبك إنت ومش حب عابر
حب ساكن جوه قلبي ومن زمان
—————————
بقلمي —-( جمال القاضي )—–
