جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
قالت
بقلم رمضان بر
هتنساني.
شهرين ثلاثة
وهتيجي غيري
تاخد مكاني
منا زيي زيهم
ايه يفرقني عنهم ؟
شوية ملامح
شايفهم
بمراية عامية
شايف جمال
عمري ما شفته
فيا
انا واحدة منسية
من عمر الزمان .
جيت
صحيت جوايا انثي وهزيت الحنين
طبطبت ع الجراح وقدت نار
انا خفت منها سنين
شوقي يغلب
في الجنون
ياخدني
ف سكةالعاشقين
ايوة خفت.
كان لازم اهرب من طوفان جرفني ف لحظتين
كان لازم اصحي
من حلم
خادني مني
ورماني
ف بحور هواك امواجها عالية وغرقها يقين
هتلاقي غيري كثير
يتمنوا هواك
يتمنوا رضاك
يتمنوا لو لحظة
تكتب فيهم كلمتين
ساعتها افتكرني
واترحم ع اللي كان
واتنهد وقول هي فين؟
خلي الذكري بنا جمايل
وعيشلك يومين
خلي لي تاجي اوعي غيري يلبسه مكانه قلت لي ف الوتين
فاكر….ساعتها قلتلك النبي عربي والضحكة كانت للجبين
هتكلمها عني؟
ولا هتخاف تغير ؟
هتعرفها ان حبي لك كبير؟
وان عمرك ما عشقت زيي واني حبك الأخير؟
اكيد هتخاف تغير
وهتبقي اخدت مكاني
واعطتها تاجي م الوتين
لما اقابلك وايدك ف ايدها اوعي دموعي تغلبك او تخاف قلبي يبات حزين.
رمضان بر
