فقر دم

فقر دم
رجب أبو الحسن

كل اللي سال من دم
سايل من سنين..
مش ده النزيف الأولاني.
مش قطفة أولى
.سيل المآسي في المراسي
وطبع شين..
من ده الأناني..
أبو العيون ربحة طفولة
أصابوا قلبي بكسرتين..
في ضمتين بسكون وموجات عاصفات
جوايا جف ف نزف من فعل انفلات
وقت المزاد..
الدم أوشك ع النفاد..
ومش عصابة ع العينين..
ولا كان عناد..
ما كانش خافي الانتهاز
و الابتزاز
والاحتراز..
ده أنا كنت أشوف النجمة
من قبل العصاري..
فكل سطر بخطتك كان نسخ جدا..
أنا كنت بالنسبة لك إيه؟
حفنة مصاري..
و ديك بيدن..
أنا كانت قاري آخرتي
في سطرين حطام..
موتا سخيفا كل عاشق..
مع السلامة وقبل سطرين الختام ..
أين السرادق؟..
مع السلامة ف غربتك تحت الثرى..
سلام عليك
وعليك حساب العشرتين..
وحسابي درس المسخرة