جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج بقلم:عاطف جمعة
فرحانين
انا ليه شايفكم للسنة اللى الجاية
فرحانين
*
ليه شايفكو بتستقبلوها
بالحب والشوق والحنين
*
أخدتو ايه من فرحكم كل
مبتعدى السنين
فرحة فاتت ثم ماتت
والعمر مليان بالأنين
انتولسة فرحانين
رغم اللى فات كان كله قاسى
طب ماللى جاى متعاص بطين
قلولى ليه فرط التفاؤل
هو احنا بقينا مالاوائل
او امتى كنا مرتاحين
ماحنا بردو زى ماحنا
واحنـا بردو هوا احنا
بنخلط الطين بالعجين
شايلين همومنا فوق كتافنا
وياما هللنا وهتفنا
طول مبتعدى السنين
أخدتو ايه من السنادى
ماللى فات كان بردو عادى
حتى ولحد السعادى
احنا بردو مكملين
مكملين فى النفاق
اللى واصل للآفاق
على حساب التعبانين
فرحانين
فاكرينها جاية محملة بالخير
لكل الشقيانين
متفرحوش وتبالغو تانى فحبها
تفرق ايه سنة وهتعدى زى اللى
عدو قبلها
واحنا بردو تعبانين
بقى بعد اللى شوفناه فى حرب
غزة
الحياة بقى ليها لذة
مبقاش فيه دم فى العروق وكمان مفيش فى النفس عزة
بقى كل ده ومش قلقانين
نفسى اعرف انتو على ايه
بتفرحو
ياكش فاكرين ان السنادى
هتفلحو
هتعدى بردو وكل واحد هيبقى
قاعد مطرحو
وعمركم مهتفلحو
إلا لو جمعتكو وحدة ويد واحدة
يامسلمين
وساعتها انا هافرح معاكم لما
لما اشوفكم فرحانين
كل عام ومصر الحبيبة مسلميها ومسيحييها من صعايدة وفلاحين
وبدوها الطيبين
وكل الأمة الإسلامية على المحبة والسلام متجمعين .
