جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
فرحانين
شعر / عاطف جمعة
ليه شايفكم فرحانين
ليه شايفكوا بتستقبلوها بالحب
والشوق والحنين
أخدتوا ايه من فرحكم طول السنين
فرحة فاتت ثم ماتت وفرحة فاتت ثم ماتت
والعمر مليان بالأنين
لا ولسة فرحانين
رغم قسوة ال فات وعدي ؛ ومن اللى جاى
مش قلقانين
قولي ليه قل التفاؤل
طب امتي إحنا مرتاحين
ماحنا بردو زى ماحنا واحنا بردو هوا احنا
بنخلط الطين بالعجين
شايلين همومنا فوق هدومنا
طول ما بتعدى السنين
خدتو ايه من السنة اللى فاتت كان بردو عادى
حتى ولحد السعادى احنا بردو مكملين
مكملين فى نفاق وغش حتي عاد ما بقالنا وش
نجبر بخاطر الشقيانين التعبانين
ولسه برضوا فرحانين .
فاكرينها جاية محملة بالفرح هيسر الجبين
متفرحوش وتبالغو تانى في حبها
هتعدي زى غيرها من السنين
ولا اقولكم يالا افرحوا يمكن تصيب المره ديه
وتسعدوا وتبقوا من المفلحين
ولو لحين مدام هتبقوا مرتاحين .
