جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
د /عمر عبد الجواد عبد العزيز
فاكر. لما كنا عيلة ………نستحمي كل كام ليلة
جوه طشت من نحاس….و الحياة هاديه و جميلة
…………….. فاكر لما كنا عيلة…….
البيوت كان ليها أساس. من تربية وأخلاق وإحساس
لا رشوة و لا اختلاس ..و النفوس راضية بقليله
………….فاكر لما كنا عيلة……
كان المطبخ وابور جاز …و الناس علي بعض عُزاز
ولا اسمعنا عن ناس شواذ ..و المرء علي دين خليله
……………. فاكر لما كنا عيلة……
الحياة كانت بسيطة …و الناس ما كانت حويطة
الدولاب مسامير في حيطة …و الحلو طبق بليلة
…………….. فاكر لما كنا عيلة…..
كل واحد علي رزقه يسعي …و الدنيا كانت واسعة
ما كان فيه عقول لاسعة…من الطمع صبحت عليلة
……………… فاكر لما كنا عيلة….
الناس كانت لبعضيها……….و الأم لازم تراضيها
و لا دار مسنين توديها. …مهما كانت حمولك تقيلة
……………..فاكر لما كنا عيلة ….
★★★★★★★★★★★★
