جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج
بقلم/ نورا صلاح عبد الجليل
مش مجرد يوم في التقويم،
عيد الشرطة حكاية وطن اتكتبت بدم رجاله،
اختاروا يكونوا درع الأمان،
ودفعوا تمن الكلمة اللي اسمها مصر.
في 25 يناير، نفتكر إن الشرطة مش وظيفة،
دي رسالة،
رسالة ناس خرجت من بيوتها
وهي عارفة إن الرجوع مش مضمون،
بس الأكيد إن الواجب لازم يتعمل.
رجال الشرطة واقفين في الشارع،
في الحر والبرد،
سهرانين علشان غيرهم ينام مطمّن،
وبيواجهوا خطر ما يعرفش شكل،
غير إنه عدو للاستقرار.
عيد الشرطة هو يوم تقدير
لكل ضابط،
وكل أمين،
وكل فرد
حمل روحه على كفه
وقال: أنا في خدمة الوطن.
نختلف أحيانًا، نغضب، ننتقد،
بس ما نقدرش ننكر
إن من غير أمن
ما فيش حياة،
ولا شغل،
ولا مستقبل.
تحية لكل شهيد
كتب اسمه بحروف من نور،
ولكل مصاب
كمّل طريقه بإيمان،
ولكل أسرة
قدّمت ابنها فداء لمصر.
عيد الشرطة مش بس احتفال،
ده تجديد عهد
إن الوطن أمانة،
وإن التضحية عمرها ما بتضيع،
وإن مصر دايمًا
محفوظة برجالتها.
كل سنة وشرطة مصر بخير،
وكل سنة ومصر آمنة
بأبنائها المخلصين.
