على طاري الحزن

على طاري الحزن
جاسم العبيدي
جزيتي وهذا صوتج ينده من بعيد
وأنه الماهيد واسمج ينده ابالي
خيالج من يمر طرواه أفز وياه
واعلكله الشمع من جمر دلالي
انه بوسط الكلب ظميت الج شوغات
حسافه الشوك يطفه وينكض احوالي
شكلج وانتي تدرين بحياتي اشصار
كلبي الشاب مو شعري البده يلالي
تكليلي عله بختك شنهي صاير بيك
ما تدرين جرحج خيب امالي
عذرتج من عشكتج وانتي ماتدرين
مو ذنب العشك ذنب الهوى العالي
حزن ؟ واكبالج انه المانسيت هواج
شيرد بيه النفس والدنيه تحلالي
عمر وانه احترك من تمر بيه اخطاج
نار وتوج بيها الروح حسبالي
انا ذاك الذكرني الما عشت بحماه
وانتي ويه العمر جلبتي بذيالي
يالكحلج حلالي وما حله عله الغير
كحلج من سمارج سارح بحالي
ابختج هيه قصة وتنتهي بخسران
لو عشرة عمر تنسيها من تالي
احطن صورتج واتمعن ابدنياي
غيرج ما يغير حزن يجرالي
يسئلوني على منهو المرد بيه جلاي
شكلهم وانتي وسط جلاي جتالي
كظيت ونين عمري وما كدرت انساج
وظميت العشق عن حسد اجيالي
وانه المالي بخت كلت اكضي عمري وياج
لجن طيفج عبر جن ما درة بحالي
وعلى طاري العشك جويت كلبي بنار
ولاموني العواذل من جنه افعالي
انه ذاك الحزن والقهر بيه اشكال
ماكولن واخاف شمات عذالي
وانا ذيج الربابه ونايهة من الظيم
ينعه ويالدمع والحزن موالي
ظل رسمج يمربالغيم ما ينشاف
وجن طيفج عبر ما ظن تعنالي
ومن دمعج غوة عيوني يصبن دم
جن دمي رخيص ودمعج الغالي
انه الظميتي عني الماي بين شفاج
وما حسبتي ماي شفاج شلالي
ظميتج ذخر والنايبات هواي
وحسبتج ذخر كرباي وعيالي
لكن من صفت دنياي ماظل راي
مكروه ولفاني الظيم بجلالي
موت ولا هواج يصير عني بعيد
ترة الشمات بيه تكطع اوصالي
رضيت بجكمج وجارت علي دنياي
واكولن بلجي جاري الماي يصفالي