علموه

علموه …
علموه من سبع
واضربوه من عشر
والولد فى صغره
بيبقى زى البدر …………..

تشكيله وتربيته اساس مهم
قاعد جوه بيته مؤدب ومهتم
خروجه للشارع سبب الانحراف
والاب والام بيشيلوا هما الهم ………

الايام دى معدومة الاخلاق
ايام المهرجانات والمغنى بقى داء
كله بقى مخه ضايع
مش لاقى حتى دواء …………………

الواد بيضرب امه
بيرد كمان على ابوه
ولا حد فيهم هامه
طلع زى ماربوه …………….

اللى زرعته فى ولدك
بكره راح تجنيه
وزمانا ده مرايا
للى بيحصل فيه ………………

لا هى ماشيه بالضرب
ولا ماشيه يوم بزعيق
بالراحه حبه حبه
او كلمة تبل ريق ………………….

كنا احنا اخر جيل
اتربى على الاخلاق
ولاكان فى مستحيل
مابين الاصدقاء ……………….

كان كل الناس عمامنا
كان فى بينا احترام
على كان فى زمانا
احلى واجمل كلام …………….

الكلمة ليه اتغيرت
وايه وصلنا ليه
والدنيا حالها ماله
مابقاش فى خير ليه ……………..

كانت البيوت امان
نقعد فى اى بيت
كان فى زمان حنان
ولا عمرى يوم نسيت ……………

احلى ايام حياتى
دى ماضيا وذكرياتى
اخلاقنا كانت حلوة
كان كل اصحابى اخواتى …………..

عشان احكى عن تربيه
او احكى عن اخلاق
محتاج وقت كبير
اخلاقنا ليه اتغيرت
بقت حياتنا غير ………………..

تحياتى ….
الاديب والشاعر ….محمد تريكة تريكة