طلقنى وخد حقوقى الشرعية

#مشاكل – #القراء

كتب …سلامه الشرقاوي

انا متجوزه من 10 سنين انا مريضه حساسيه صدر جوزى واهله عارفين من قبل الجواز حالتى المرضيه بتعالج بالكورتيزون والدى كان بيساعد جوزى فى العلاج بعد الجواز وبعدين جوزى امتنع عن مصاريف العلاج والدى بقى هو اللى يجبلى اى حاجه تخص تعبى حتى ضرسى حتى عنيه كل حاجه وهو كان بيكون نايم فى البيت والدى يودينى المستشفى تعبت وكنت محتاجه كيس دم والدى اتصل عليه لأن المستشفى رفضت تاخد من والدى رفض وقال عندى شغل ومش فاضى وبقينا نلف ع الناس فى الشوارع ندور ع كيس دم المهم من 3 سنين جه قال عاوز اتجوز قولتله تمام طلقنى واتجوز المهم مارضيش يطلق ولا يدينى حقوقى وضربنى وطردنى روحت اعمل محضر ضرب و ورفعت تبديد عفش ونفقه جه يصالحنى ماكنتش موافقه والناس اقنعونى أنه هايتعدل وعشان خاطر بنتى ورجعت بعدها بيومين قالى لو بتحبينى وبتحبى بيتك وبنتك نروح نتنازل عن القايمه لو شريانى هاتعملى كده وافقت واتنازلت وقولت اعيش عشان بنتى ومش مهم اى حاجه حصل حمل تانى امتنع عن العلاج وقالى لو هاتموتى إنتى واللى فى بطنك انا مش هاجيب العلاج ده وفعلا الولد اتوفى فى بطنى قبل الولاده ب أسبوع المهم من شهر سمعته بيكلم وحده وعرفت انها معاه فى الشغل وماشى معاها ومن غير اى مشاكل فى العيد قالى هاطلقك ورمى يمين طلاق عشان بقوله انا رايحه اعمل عملية المراره عاوزه فلوس رايحه مستشفى حكومه بس لازم معايا فلوس وبابا هايودينى قالى انتى طالق ماليش دعوه بيكى دلوقتى بقى هو بيفاصل فى حقوقى ومش عاوز يدفع وانا ليا دهب وحاجات اجيب حقى ازاى وانا متنازله عن القايمه وكان فيها الدهب القصه كلها فى الدهب اعمل ايه ؟