جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
كلمات / أحمدعبدالدايم
صاحب نفسك
لما تصاحب صاحب نفسك
على الاقل تعرف مين بينافسك
صاحب نفسك اكيد ترتاح
ليه لما تصاحب تصاحب عكسك
كان الصحب أصلي وخلصو
دلوقتي تقليد وفالصو
فيه صاحب بضمان سنتين
خلص الضمان احذر غدرو
وفيه صاحب ماله ضمان
نازل جديد بثلاث ألوان
ممكن تطلبه بالتليفون
ياجيك ديلفري على العنوان
وفيه صاحب صاحب مصلحته
تفتح له جيبك ريحته
ولو طالبته من اللي عليه
يزعل يقول انت جرحته
وفيه اللي نازل بأثنين وش
وش الطيبة ووش الغش
دايماً ايده على قدره
ودايما اللي معاه لازم يرش
وصحاب تخصصهم تفاريح
فاضين جيوبك على المجاريح
طول الليل يقولو كلام
يطلع عليه الشمس يسيح
باع وأتباع الصاحب الجد
باعه الخسيس وثمنه ما عدّ
غلبان وميّة سبت قضيت
طول عمره عاش منتظر الاحد
احنا في زمن صاحبك مالك
مفتاح السحر لأعمالك
لو أعمى تاجي عيون حواليك
ولو كنت قبيح تصير بدلالك
صاحب نفسك
إحياء أغاني الكف الأسواني
الشريف_أحمد عبدالدايم
