جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
===== سيبو ماشي ====
سيب اللي ماشي
في طريقه ماشي
بلاش تعطل خطوته
خليك كده
واعي وراسي
متبقاش حاجز
في سكته
سيبو يمشي ….
في طريق كفاحه
مشوار نجاحه
دي عنده
كل عزوته
بلاش تركز
في كل رايحه
وكل جاية
وتقول كتير
وتقول شويه
سيبوا ماشي
لحد ما يوصل محطته
الحلوه عنده
وحشه عندك
والغاليه عنده
رخيصة عندك
مش هتغير فكرته
ولا يوم يغير نظرته
سيبو ماشي ….
خليه يجَّرب
يمكن يكون
فيها نجاحه
طب ليه تقَّرب
وتقلل من
طريق كفاحه
سيبو ماشي
بقلمي
صلاح شعبان الفيداوي
