زى النهاردة

زى النهاردة
بقلم
ممدوح عكاشة

زى النهارده كان الدولار بــ 25 قرش واليوم ب 25 جنبه
زى النهارده كانت نسبة البطاله 2% فقط واليوم 60%
زى النهارده كانت مصر الاولى عالميا فى تصدير القطن طويل التيله واليوم ليس لنا ترتيب

زى النهارده كان منجم السكرى مغلق فلم تكن مصر بحاجه للذهب واليوم الذهب جنن الناس
زى النهارده كان ابن البوسطجى و الجناينى و الفلاح بيلتحقوا بالحربيه واليوم لايدخلها الا من معه وساطة وبالمال
زى النهارده كانت القاهره اجمل مدن العالم و التاكسى كان كاديلاك واليوم الزحام والعشوائيه

زى النهارده كان الايطالى اليونانى التركى السودانى بيشتغلوا فى مصر واليوم شبابنا يذهبون لايطاليا للعمل فى النظافه والسرفيس
زى النهارده كانت مصر و السودان و غزة بلد واحده تحت حكم مصر واليوم التناحر والكراهية
زى النهارده الملك فاروق تنازل عن الحكم بدون اراقة نقطة دم واحده واليوم لاتنازل عن الكرسى الا بثورة أو وفاة

زى النهارده كانت بداية الانهيار السياسى والاقتصادى كنا بنسلف الدول العظمى وهناك صكوك بتلك الديون . واليوم أصبح الدين كبير بسبب القروض

الله يرحمك ويرحم أيامك يا ملك واتمنى إعادة أيام الزمن الجميل ورفعة مصر اقتصاديا على يد رئيس مصر عبدالفتاح السيسى وانهاء حالة الغلاء الذى أضاع ووضع الكثير فى ديون متراكمه وعودة الأسعار لوضعها الطبيعى رحمة بالشعب الطيب الذى لايستحق مايحدث الآن .