جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج (رقص الأفاعى)
اعزرينا ياعروسه
شكلها حتبقى حوسه
والعريس أرباب سجون
إللى معزوم بالوراثه
وإللى خايف م الحراسه
وإللى مدارى فى جنون
فرح ليله ويلا هيسه
إرقصيلهم ياعروسه
أرقصى وحيى الزبون
أرقصى دا الرقص عادى
إنتى والحاشيه وحماتى
إللى خان لازم يخون
شغلى المزمار ليلاتى
هاتى أخرك يلى هاتى
ويا فرقة الفنون
يلى كنتى فى يوم
مراتى إللى هان عليه
حياتى النهارده راح يهون
الحياه حب وسعاده
والخيانه فيكى عاده
ليه تدارى فى العيون
أرقصى وشيلى القناع
الحياه لحظة متاع
إللى كان لازم يكون
عيدى خط الذكريات
رجعى الزمن إللى فات
عيشى عمرك لو ساعات
كل أفعى وليها لون
إتقنى رقص الأفاعى
كل رقصه وليها داعى
أرقصى رقص بجنون
خلى جمهورك يعيش
أفرحى ماتزعليش
إللى فات م العمر مات
والظنون غير الظنون
أعزرينا ياعروسه
شكلها حتبقى حوسه
والعريس أرباب سجون
ألف مبروك وبمحبه بس
ذيدى الرقص حبه هزى
وسطك حبه حبه
رقصى رمش العيون
#الشاعر سامى رضوان…
