جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
رجوله في البطاقه
رجوله في البطاقه
والحقيقه مفيش
شاطر في العياقه
دميه محشيه ريش
يحزن المسره.
ودراما مستمره
نصيبه بنت حره
تتحمل الخرابيش
في البدء ضل
حيطه ايله للسقوط
بهيصه وزمبليطه
أحلام دخلت تابوت
والوكسه ابن أمه
بتبعتره وتلمه
ولا شيء ليها يهمه
ماهو راجل خنتاريش
البنت اللي نصيبها
مرار بيت العدل
لازم نرجع نجيبها
والمايله تنعدل
وبلاها ضل حيطه
ولا هيصه وزمبليطه
أصل المحروس بقليطه
بيخاف م الخرابيش
وهاتها جمايل يارب
شاعر الحارة المصرية
صلاح سليمان
