(خسارة يا جارة)

(خسارة يا جارة)
شباك البيت جنب الشباك
والحب كان لازم يحصل
كان صعب عليا انى أوصل
لكن مكتوب فى كتاب العمر
إن اللي يحب يدوق المر كان
لازم يحصل فتحت شبكها
ساعة عصرية بصت طلت
من جنب القصرية والورد
بيضحك جايز بيصبح بيحاول
يفهم نظرتها بحكاية حب
كان لازم بس يا قلبي دق
اهو مر العمر وعدى وفات
وبقينا حكاية من الحكايات
حبينا يمكن حبينا ساعات
بكينا كان لازم نبكي سنين وسنين
ما هو اللي يحب لازم يبكي من
غير الحب مافيش أحزان
حظرتك مرة يا قلبي زمان
وشرحت الموقف وفضلت تعاند
بحياتك تحلف وهو جالك يوم
يا قلبى كان لازم تندم وسنين
الحب وتعب القلب اصبحت
من بعد الورد يا قلبى عجاف
بقا لينا فى كل كتاب مكتوب
أوصاف نفس الأوصاف الوش
يدوب حبة تجاعيد سرقها الحلم
وخدها بعيد والشعر أهو شاب
من بعد يا قلبى ماكنا شباب
أصبحنا كراكيب فى دولاب
على حيط مركون مكتوب على
بابه يا خساره يا جاره كلمة يا خساره
مابتعوضش سنين فاتت مابترجعش
حجات ماتت وهي دنيا وفيها بنتعلم
تضحك نحس بضحكتها لكن في
الأصل بنتألم يا خسارة يا جارة يارتني
ما حبيت ولا كان البيت جنب البيت
ولا كان الشباك جنب الشباك..
#الشاعر سامى رضوان….