جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج
بقلم/ نشأت البسيوني
في لحظه غريبه من لحظات العمر اللي ما بتنبيش ولا بتدي اشاره قبل ما تيجي بتحس الروح كأنها خرجت من قلبك وقفت على حافه التعب تبص للدنيا بنظره مش مفهومه نظره فيها استسلام وفيها قوه وفيها سؤال ما حدش يقدر يجاوبه غير ربنا يمكن لان الروح ساعات بتوصل لمرحله ما تعرفش فيها هي ضعفت ولا اتصلبت هي استسلمت ولا وقفت قدام نفسها وقفه صدق يمكن لانها شافت
حاجات كتير فوق قدرتها وشالت فوق اللي تقدر عليه وبرغم ان الناس حواليها كانوا شايفينها بشكل سطحي جدا وشايفين ان زي ما هي واقفه يعني تمام لكن اللي جواها كان عالم لو اتفتح قدامهم كانوا عرفوا قد ايه الانسان ممكن يعيش وهو مكسور بس واقف وهو موجوع بس ساكت وهو وحيد بس لسه بيحاول يعيش وكان فيه انسانه بالذات تعبت من كتر ما دارت حوالين نفسها ومن كتر ما
حاولت تثبت لنفسها انها بخير وهي ما كانتش بخير من زمان طويل كانت بتحس ان الدنيا بتاخد منها اجزاء صغيره كل يوم لحد ما ما بقاش فاضل فيها الا روح بتحارب ما بين السقوط والصمود وبرغم ان الدنيا ما كانتش عادله معاها وبرغم ان الناس كانوا دايما واقفين يتفرجوا وما حدش فكر يسندها غير ربنا اللي كان شايف وجعها قبل ما ينطق وقوتها قبل ما تنهار الا انها كانت بتتنفس رغم التعب
وكانت بتستجمع نفسها كل مره وترجع تقف بتقف مش لان الوقفه سهله لكن لان السقوط كان بالنسبه لها نهايه ما ينفعش تحصل كانت خايفه من حاجه واحده بس انها توصل لمرحله تفقد فيها نفسها تفقد روحها تفقد الانسان اللي جواها اللي لسه بيقول لها كملي مهما حصل وبرغم ان المشوار مليان مطبات ومليان ناس بتوجع اكتر ما بتسند ومليان صراعات ما بين عقلها وقلبها الا انها كانت بتقرر في
آخر كل ليله انها تقفل الوجع وتفتح باب جديد لبكره حتى لو كانت عارفه ان بكره شبه مبارح بس كانت بتقوم عشان تحافظ على اللي فاضل منها عشان ما تستسلمش عشان نفسها ما تنكسرش عشان لو الدنيا ما كرمتهاش هي تكرم نفسها ولو الناس ما فهموهاش ربنا فاهمها ولو الطريق ما اتسهلش هي مستعده تمشي فيه برجليها اللي اتلسعت كتير لكنها لسه قادره تشيلها كانت بتتنفس خارج حدود
تعبها كأنها بتحاول تثبت ان التعب مش نهايه وان الوجع مش آخر صفحه وان الانسانه اللي جواها مهما اتعرت ومهما اتكسرت ومهما اتظلمت هتفضل قايمه زي شجره في وش الريح مهما اتقطعت فروعها جذورها لسه غرسه في الارض وبتقول مهما حصل انا هنا ولسه هكمل ومهما اتغيرت الدنيا انا مش هتهز ومهما اتقطع من روحي لسه فيا نبض بيقول لسه بدري عالسقوط لسه بدري عالهزيمه
ولسه الروح عندها كتير تديه حتى لو العالم كله شايف انها انتهت هي بس اللي تعرف انها لسه في بدايه الطريق
