جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
بمناسبة عيد الأم
(تعيشيلى يا أمه تعيشيلى)
فى عيدك يا امه
بحس بلمه
فى عز البرد تدفينى
و ف حضنك لما..
ياخدنى بضمه
الدمعه تنزل من عينى
و تميل على راسى
يرجع طفل إحساسى
كإنه لا اتجوز و لا شاب
و لا قدر البعد يقسينى
و بغصب تاخدنى التنهيده
و ف سِرى ألعن فى الغيبه
و صمتى يهمس لحنانك
و همس حنانك يرقينى
و ارسملك بوسه على جبينك
و انحنى إيدك أصليلك
عتابك يسبقوا غفران
تميلى عليا و تبوسينى
تعيشيلى يا امه لحد ما اموت
و تضلى قبرى يا شجرة توت
عشان دعواتك بعد صلاتك
جوه قبرى تنجينى
تعيشيلى يا امه تعيشيلى.
**************
طه_على_الدين
