جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
===== بياع الورد =====
ياورد بياعك ورد
وليه الضحكة
تقول سكر
رزقه ع الله …
مش على حد
والبركة تزيد
أكتر وأكتر
يا أبن بلدي
يا أبو ظل خفيف
الورد معاك ….
أجمل منظر
تنادي وتقول
مين عايز
من الورود
كدا يتعطر
وتهادي حبيبتك
بأحلى بوكيه …
وتسعدها بيه وتقدر
لو تاخد مني ورداية
هيخلص كل ….
اللي معايا
وأروَّح مجبور ومتستر
أُجبر بخاطري ..
واشتري مني
وحياتك ….
أوعى تزعلني
يارب تسعد وتنور
الورد أهو
قدام عينك
والعطر عاد
بيني وبينك
قرب تعالى واستفتحني
وتعالى ويانا اتصور
بقلمي
صلاح شعبان الفيداوي
