بلبل غنى

وغراب ناح
كلاب بتنبح
وديك صياح
عصافير بتزقزق
والليل راح
ناوي خير في يومك ولا
الشر في عينك مسا وصباح
اهدا بس ياعم شويه
الدنيا قدامنا واسعة براح
راح متبرم حوليه وقال
أنا ف الأصل …..
منيش مرتاح
طيب ايه ترتاح فيه قول
قال عايز طبق الفول
أنزح منه واشبع بيه
ومعاه خمسة رغيف أو سته
وآكل وعيني تشوف أشباح
ومخي يقفل بقفل مسوجر
لأسمع منكم ولا شايف حاجة
تايه في خيالي أنا سواح
أنا ياأخوانا الجوع بيتعبني
ولما بآكل بأكون تمساح
ولما أشوف موازين جسمي
فوق الميه أقول العمر
خلاص أهو راح
قلنا خد حاجه وخس
وأغمس كل حاجة بخس
وزود سلطه وكل موز مع تفاح
قال مش قادر ….
ياعم أستنى شويه واهدا
سد بقك خليه يرتاح
قال مش قادر المحشي حبيبي
والفته ليها قبول وسماح
خليك على راحتك
بكره يجيلك ضغط وسكر
ويزيد في القلب
آلام وجراح …
بص لينا وهاتك ضحك
وقال سيبوني لحالي
حتى إن مت ….
أموت مرتاح

بقلمي

صلاح شعبان الفيداوي
القاهرة
٢٥/٢١/٢٠٢٢