جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
ايه الحكايه ؟
سامح ايليا
بحرى البلد يا واد عمى
الدنيا جايده
رمحنا انا ومحمود
والواد الأهبل
ابن عايده
ولما وصلنا لجينا
الناس ايه ،،، زايده
سألنا واحد من الشارع الجبلى :
ايه الحكايه ؟؟؟
لجيناه جعد يلطم
زى الحريم وجال :
الولايا ……
ولاية مين يا عم ؟
هو فيه ايه ؟
وليه شاجج العبايه ؟
وايه اللمه ديه ، فيه ايه ؟
احكيلنا الحكايه ٠٠٠٠٠٠
لجيناه شوح بأيديه ,
وراح طاير ،
متعرفش راح على فين
إﻻ وشويه ،،،
وسمعنا صراخ الحريم
صراخ ولطم وأن وأنين
وناس ترمح ،،،
ايشى شمال ، وايشى يمين
فين وفين عاد ،،،
لما فهمنا الدور
يابو اسماعين
جال ايه يا واد عمى
البت هنا بت اخت
الواد حسنين
وجعت فى الترعه
بس لحجوها ناس طيبين
وطلعوا بيها رمح
ع المستوصف غرب البلد
وزمانهم چايين
هتعمل ايه انت دلوكتى ،
يابو اسماعين ؟؟؟
سامح إيليا
