جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
(انت حظي)
وحيد علي الجمال
ليك لوحدك نبض قلبي
واللي مكتوب جوه عهدي
واللى فاضل من حياتي
انت ذاتي وذكرياتي
روحي مخلوقة عشانك
كلك انت زي بعضك
احلى حاجة فيك صفاتك
لما غيرتي تشكي بُعدك
بَحضُن الشِدَّة اللي طالعه
من جنانك
وابقى دايبه فيك لوحدك
لما تأسرني بحنانك
أوعى تزعل لو جرحتك
أو لمحتك مرة بتكلم في غيري
خايفه غيري يكون ناويلي
يخطفك من قلب عيني
نفسي جوه النني احطك
تبقى جوه القلب روحي
وارسمك في القلب قلب
واخطفك من أي سهم
اوعى تحمل أي هم
المهم والأهم
كل حاجه فيك ياعم
ما انت اصلا جوه روحي
جوه بحر الشط بحر
بعد شط البحر شط
عاوزه دنيا فاضيه خالص
انت فيها كل حد
تبقى شرياني ووريدي
تبقى جرحي وتبقى عيدي
خدني من نفسي ودموعي
القصيدة ليك لوحدك
والقوافي دول شموعي
حظي عارفه لما بِعْتَك
رغم جرحي ..
كنت مستني رجوعي
وحيد علي الجمال
سرس الليان / المنوفية / جمهورية مصر العربية
