جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج كتب/
أيمن بحر
كل حاجة بتبدأ من جوه من النية.
قبل ما تتكلم، قبل ما تمشي، قبل حتى ما تفكّر بصوت…
في حاجة بتحصل جواك، محدّش بيشوفها…
اسمها “النية”.
النية دي مش كلمة بتتقال،
دي ميل قلب…
لحظة صدق بينك وبين ربنا،
لحظة ممكن تغيّر كل حاجة…
ولو كانت صغيرة.
أوقات النية بتكون أبسط من أي فعل…
لكن عند ربنا: هي اللي بتوزن الفعل.
وكتير من الناس ممكن تعمل نفس الحاجة،
بس النتيجة مختلفة…
علشان النية كانت مختلفة.
واحد يصلي علشان يرتاح ضميره،
وواحد تاني بيصلي علشان يقرب من ربّه…
نفس الركعات، ونفس الكلمات،
لكن الفرق؟
فرق نية.
النية تخلّي صدقة بسيطة في إيدك… تفتح لك باب من أبواب الجنة.
النية تخلّي شغلك رزق حلال،
وتخلّي تعبك في بيتك عبادة.
النية تخلّي حتى سكوتك فيه ذكر…
وتحوّل الألم لصبر،
والدُعاء لرضا،
والعادي… لمأجور عند ربنا.
ربنا شايف قلبك قبل يدك،
وسامع سكوتك قبل كلامك،
وبيحاسب على اللي جواك… قبل اللي باين للناس.
فـ لما تبدأ أي حاجة… حتى لو كانت بسيطة،
ابدأ بـ: “يا رب، دي ليك.”
وقولها بقلبك قبل لسانك…
علشان النية الصافية بتخلّي كل خطوة فيها نور.
أسأل الله لكم نوايا صادقة، خالصة، خفيّة…
ترفعكم ، وتسبقكم للجنة وأنتم لا تدرون.
اللهم آمين
وصلى الله على سيدنا محمد وعلى آله وصحبه أجمعين.
