جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
===== احمدوا ربنا =====
ياناس احمدوا ربنا
بالحمد يزيد النعم
حتى لو كنتم بضيقه
أو كان في جسمكم ألم
كفاية النوم بأمان
وبعديها تقوموا بسلام
كفايه سترانا الهدوم
وارضي تكون مظلوم
ولا تكون ممن ظلم
عيش حياتك قنوع
تعدي عليك بسلم
احمدوا حد الكفاف
لوكانت بعيش وحاف
احمدوا وقولوا كرم
ارضى تعيش مرتاح
وكون طويل البال
الدنيا واسعة براح
والسعادة مهيش بالمال
السعادة بقلب طيب
ونفس قنوع
والرضا بأي حال
معاك حامد وشاكر
مفيش حامد وصابر
دا منعه منح ليك
وربك وحده قادر
يعطيك ويبارك ليك
في صحة ومال وعيال
بس نرضي بحالنا
ونحمد واهب النعم
بقلمي
صلاح شعبان الفيداوي
القاهرة
١٩/٤/٢٠٢٢
