جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
أنا لا عيب ولا عورة
بقلمي نهلة البدري
______________
أنالا أنا عيب و لا عورة
و ديني قال أنا حرة
مدام ملتزمة بالقرآن و بالسنة
حلال أنا إسمي لو قلته
و عيب في عرفكم أنتم
فمتقلش أبله أو يا مدام
و لو يوم كنت أنا وياك
متمشيش خطوتين قدام
و متقلش إنها غيره
عشان ميبقاش في بينا صدام
و متحرمش علي كيفك
و ما تقولش أن صوتي حرام
أنا صوتي يكون عورة
لو خضعت في يوم من الأيام
يقوم يطمع بقلب مريض
وده مذكور و ف القرآن
و قال يعني مش عارف
أن كمان ستنا عائش
كانت بتعلم القرآن
فلو مسلم أهو قلنا
متنطقش بحلال و حرام
وكمان الحب مش عيبه
فمتقلش عنه أي كلام
طب بنت النبي زينب
و لا سميه و العوام
ولو حتكون الأمور عتمة
طيب شوف علي و فاطمة
طب سمعت النبي ف مرة
وحبه لآل بيته
طب بن أبو بكر و العاتكه
خلاص خليني أكون ساكتة
فلو حتتكلم فمتقلش حلال و حرام
لا أنا عيب و لا عورة
ديني قال أنا حرة
مش مجبورة أكون وياك
أهو مغيث و بريره
قالت له مش عاوزاك
و شفاعه النبي عنه
لو سمعت عن حاله
أكيد بكاك
لكن نيبنا مأجبرهاش
تعود تاني فأتحداك
و ده في دين لو مسلم
و حتي في باقي الأديان
ففي المسيحية السيدة العذراء
و سوره بالاسم ف القرآن
و اليهودية ستنا هاجر
و ساره كمان
فياريت تعرف أمور دينك
و متتكلمش في الأحكام
