جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
( أنا كل دٌول )
#امل امين
انا كل دول
واكتر شويه
العمر يجري
وتضيع سنينه
من بين اديه ..
لكني عادي
عايشه في طفولتي
ومهما اكبر
إنسى إن برضه
يبان عليا ..
مايهمنيش
لو معجبكش
وتنتقد كل اللي فيا ..
او تشاور من بعيد
و تنكر للحظة إني أد
المسؤلية ..
مش لازم ابقى ست جد
أو كل كلمة ليها رد
ويظهر الهم في عينيه ..
لأ ..
لسه بمشي
وأعد الخطاوي
في سكتي ..
وبكل قلبي
في عز نومي
لازم احضن لعبتي ..
ومن الورق
بعمل مراكب
واسيبها عايمه
في دمعتي ..
و في منامي
بنادي فرسي
والعب معاه
واركب وأطير
وانسى مشاكلي و دنيتي ..
ولما اقوم
وازعل شويه
بجمع زهوري
واشكي لها همي
في وحدتي ..
أنا كل دول
ولو لقيتني
ما بين ايديك
وبجري عليك
إفتح ذراعك
خلى حضنك
يبقى طريقي ووجهتي ..
وإياك في لحظة
تخليني اخاف
والحضن يبقى طريقه سد ..
هبعد وأغيب
واوعاك تلومني
عيب عليك واللهِ جد ..
ما انت عارف
هو ده قلب العيال
لو يرتجف
يبعد ويعند
ولا عمره يكبر
لأي حد ..
