جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
===== هفضل أحبه =====
خد وكُل من
إيدي ياروحي
جيبالك أكل
م اللي بتحبه
من بعدك اتهدت
كل صروحي
ضحكوا عليا
قلت سيبوني
عايزه أتونس
حبه بقربه
والله أنا عاقله
وعارفه إنه
حبيبي خلاص
مات مش راجع
بس أنا
هأفضل عمري أحبه
هوه في قلبي
وماشي في دمي
وإزاى أنساه
راح أفضل جنبه
ما جبتش حد معايا
لأجل نكون
هنا وحدينا
ناكل ونشرب
و بعدين نضحك
زي ما كان
بيسعدني بقربه
خد من إيدي
حته كمان
متقولشي شبعت
كنت تاخدها
من إيدي زمان
حاسة إنك جعت
أنا جيالك
نقعد حبة
ونسهر ليله
مع بعضينا
أوعى تسيبني
وتروح ف النوم
وأنام هنا جنبك
ونومي يطول
وأصحي مع قلبي
تاني بغلبه
بقلمي
صلاح شعبان الفيداوي
