جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
==== كل الحكاية ====
في عقلي ألف
حاجة وحاجة
لذلك ناسي
كل حاجة
كنت رايح
فين نسيت
رحت قاعد
خلاص بالبيت
قلت قوم
رحت قايم
هتروح لفين
رحت نايم
قمت تاني
أجرى بسرعة
كإني بقيت
في مبارة مصارعة
الدنيا ليه
وخداني ليه
الدنيا عايزه
مني إيه
كأني راكب
قطر ماشي
ودوشة الناس
جوه راسي
واللي يضحك
واللي يبكي
بس الفوضى
شيء أساسي
ممكن أطلب
حاجة واحدة
إني أرجع
زي ما كنت
كنت رايق
كنت فايق
وبعد فرحي
خلاص حزنت
رجعوني تاني أفرح
جوه عالم
كله ماضي
وفضوا قلبي
م الهموم
وساعتها أبقى
بحالي راضي
مشتاق لدنيا
فيها الربيع
من بعد شتا
مليان صقيع
وكل الفروع
ورقها يرقص
والدنيا تبقى
منظر بديع
رجعونا تاني
نضحك
زي ما كانت
ضاحكتنا صافية
حتي لو
كنا بنتعب
أيام ما كنا
أطفال بنلعب
أيام ما كانت
أقدمنا حافية
بس الدنيا
مسرح ملاهي
العقل فيها
في التلاهي
حبة فايق
وحبة ساهي
لحد ما تيجي
النهاية
وتخلص كدا
كل الحكاية
بقلمي
صلاح شعبان الفيداوي
