جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج سهارا الليل
خواطر أغاني الأسواني
الشريف_أحمدعبدالدايم
سهارا الليل إحنا
نحب الليل إحنا
ندوب في الليل احنا
مبالي الليل إحنا
★★★★★
الشعر والأزجال
وعِشـقنا الموّال
وسنين على ده الحال
لا كليّنا ولا ارتحنا
ولاد الليل إحنا
★★★★★
مخلصين لهوانا
والمجاريح بتهوانا
بنترجم اللي جوّانا
كلمة يزخرفها لحنَ
مبالي الليل إحنا
★★★★★
سوامرنا دايماً جايبة
صغار وشباب وشايبة
وتبقى قلوبنا دايبة
لا شكينا ولا بُوحنا
ولاد الليل إحنا
★★★★★
لفينا بلاد وبلاد
وما خلفناش ميعاد
ونجوم الليل شُـهاد
علشان محدش يفضحنا
سهارا الليل إحنا
★★★★★
نلاقي جُهدنا متسـرّب
عالنوم والراحة نقرّب
وبس ياجي المغرب
يعطينا طاقة وشُـحنة
ولاد الليل إحنا
★★★★★
شِبنا في الفن وكبرنا
وكالشمعة نضىء لغيرنا
لأفراح الناس عبّرنا
وإحنا معدومة أفراحنا
مبالي الليل إحنا
★★★★★
ياما سهرنا ليالي
وقلنا القول الغالي
على الحالة دي طوّالي
وادينا صبارين ع المحنة
مبالي الليل احنا
★★★★★
لا بنكذّب و لا بنمثّل
ولا بنتثائم ولا بنعسّـل
الناس من العشا تعسّل
وإحنا على ما احنا
سهارا الليل احنا
★★★★★
ياما فننّا وفكرنا
ورقصّنا أفكارنا
هنفضل عايشين لكارنا
وربنا يسامحنا
مبالي الليل احنا
الشريف_أحمد عبدالدايم
