كلاكيع

كلاكيع
رجب أبو الحسن

عيونك طسة في الأوتار
وعيني باحثة عن مأوى
بحبك حبي للأوتار
بحبك صدق مش تقوى
بحبك رغم كلاكيعك
فيا تحبيني يا هبيعك

حرت زرعت ورويت
و مني سماد
طويت الماضي والمحاريت
إبل الأكباد
غرست الجدر في التوابيت
كسر الأصفاد
سقيتك من عرق ما شقيت
شفيت الأحقاد
زرعتك زرعة الحواديت
جنيت إبعاد

وجبت الفرد ده الفرفر
وقلت هطخ
أشوفها الخاينة بتفرفر
نصبت الفخ
وفيه فنسان
نغزني بشوكة عرق النخوة جوايا
ما ينفعش تكون خوان
رميت الفرد ده الفرفر
منحته يعيش
عتاب الندل تطنيش