جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
جواب للواد
بدرى ابوخزيم
أكتب ايه ياام الواد ف الجواب
عيزاك تقوله
امك نفسها تشوفك..
قبل ماتبقي من الاموات
وقوله إنى باشوفه ف كل حاجه..
من الحاجات
قوله حضنى مشتاق إليه
وقلبى ملهوف ديمااا عليه
وبرغم جحوده وقسوته..
أنامسامحاه
قوله مين هينشف دموعى
ومين ياواد هسند عليه
ومين هيداويني لما احتاج الداوا
قوله يا واد أناجنتك
ودعايا هيحرس خطوتك
وف الختام
قوله من أمك سلام
حبى مايكفيه الكلام
سلام ياابني ومسمحاك
مستنياك تيجي او تبعت سلام
