جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
بقلم / محمود حجازى
دونوا عنى الكلام وافهموامعنى السلام
السلام مش رمز او صورة حمام
السلام امن وتسامح مش مسكن ع الدوام
مش نتبطب ع اللي سارق او ع الجبان
ويبقى بينا الحق نام
السلام مش بيان نشجب نندد
لما نلقى الظلم عام
فوق بحور الانسانية والحق ضاع وسط الظلام
ده مش سلام ده اسمه ضعف واحنا بنذوق كلام
لما الطفولة تنتهك ويتقتل بينا الرضيع ويا الغلام
ده مش سلام لما الحراير عرضهم ينتهك
واحنا حاطين فوق ضميرنا ميت لجام
السلام لما اللي واخد عهد منك بالامان
جوه بيته يعرف ينام
مش تبقى سارق منه ارضه
ومستبيح حتى عرضه
وطرده نايم فى الخيام
وجاي تقول ده سلام طب سلام
ع اللي شاهد وع اللي مسروق ع الدوام
واللي مسروق منه حقه وسط الزحام
واللي سارق منه حقه مكبله بكلمة سلام
