جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
د/عمر عبد الجواد عبد العزيز
جرا ايه ….يا بهية ؟؟
لا بقي فيه تعليم ولا تربية
الدم النفيس أصبح رخيص
و كأن الخبيث ……إبليس
هو…. .. اللي بيربي الذرية
و نيرة ……راحت ضحية
جرا ايه ……يا بهيه ؟؟
الحب بإتفاق مش بالخناق
هيا راحت فين الاخلاق
أتاريها إتعدمت و إندفنت
و أقاموا ليها …واجب عزاء !!
و راح هدر ….. دم الصبية
جرا إيه.. ……يا بهيه ؟؟
فين المدرسة و فين الأسرة
ما بقي ليهم دور يا حسرة
و الايادي صارت .. قاصرة
علي طلب اللقمة….. الهنية
جرا إيه ………يا. بهية ؟؟
لا فيه رقابة …و لا متابعة
من الأسرة. …لأولاد صايعة
بالمخدرات صارت ضايعة
و الجرايم صبحت عادية
جرا إيه …….يا بهية ؟؟
من دبح لتقطيع … لإنتحار
و مجتمعنا صار في إنهيار
مين بإيده . يا بهيه القرار
يمنع المخدرات . من بلدنا
و ينفذ ولادنا … من الأذية
جرا إيه ……….يا بهية ؟؟
