جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
لا عشق داخل الماخور
بقلم رجب أبو الحسن
سنين أنين..
حنين مهين..
في كل حين..
يا دي القلوب المسخرة..
ترجع ورا..تجري عليه..
الحب مش بالمسطرة..
مالها العقول بيه؟
سيل أسئلة..
قصدت إيه؟
والضحكة دي؟
الحب في وضع انتظار؟
الحب طار؟
يا دي المرار
و غبت ياما..
يا لهوة سودا على الهوى
..قامت قيامة..
الحب فين؟
حبيت انا لكني ساعة
ما بين وبين..
بأشعر بحالة من الملل..
الحب موصول بالعلل؟
طب هو عيب؟
طب مش خطيئة؟
لوم الحبيب اكل الزبيب؟
الطعم ده ماسخ حقيقة
حنضل ساعات
طب نكتفي؟
ملعون أبو الشعر اللي قالوا عاطفي..
على الشعور..
ع الشاعر المغروم..
الحب في زمن الماخور..
زي الخمور..
كأس في كأس..
المزة قيء
والسكر طين..
وهات يا …
هات يا إيه؟..
ما تقولش عشق..
العشق على باب الماخور
مومس حقير..
قالوا شعير..
صالح لقلب الطاهرين..
الطاهرات ..
العهد أرخص من نهود العاهرات
جوه الماخور الماجنة
والخانعين..
ملعون أبو اللي اسمه الحنين
