روبوت

الشاعر/ سيد تقي
بعض البشر ،،،
هايبدلوا كل البشر ،
يصنعوا شوية روبوت ،
يخلصوا من كل حي ،
ويعملوا بدالهم مكن ،
بعض المكن يصنع مكن ،
يصنع مصانع ،
يبنوا بيوتهم من ازاز ،
مش حيطان رمل وزلط ،
مش هايبنوا مستشفيات ،
للولادة ،
والا بامبرز للعيال ،
والا مدفن للجثث ،
المكن مفيهوش ذكور ،
مفيهوش إناث ،
مفيش شباب عالنواصي ،
مفيش ليمون في الكافيهات ،
مفيش باحبك او واحشني ،
مفيش مفيش ،
العواطف والقلوب مالهاش مكان ،
الشتاء مابقاش مؤثر ،
الفصول مالهاش حساب ،
الربوت أصبح ملك ،
أصبح رئيس ،
البشر صنع الروبوت الذكي ،
بدون أحاسيس البشر ،
صنعوا مكن من غير امل ،
من غير حياة زي البشر ،
حطوا في عقولهم برامج مذهله ،
الذكاء الاصطناعي ،
صنع البشر ،
الارض فضيت من الحياة ،
كل الروبوت قتلوا البشر ،
صنعوا بعقولهم سلاح ،
صنعوا مكن ،
روبوتات كتير ،
تشبهلهم ،
غير البشر ،،،
،،، سيد تقي ،،،