سهم العيون

بقلم رجب أبو الحسن

يا حلو يا اللي الجمال
نايبك و مكتوبك
خايف عليك م العينين
يا اللي العينين صوبك
حرام عليك يا جميل
تعند ف محبوبك
و ف الطلعة و الدخلة
زاد الجمال توبك

يا ليل يا ليل
يا ليل يا ليل

يا ليل يا عين
يا عين يا ليل

من حظي أنا المحظوظ
صدفة قابلت عينين
وقعت من طولي
ما هو أصل مش سهلين
السهم منهم يصيب
يحرق لفوق سهلين
ده أنا خفت من سهمها
هقدر على سهمين ؟؟

يا اللي القوام يتلام
ما ينامش مين صادف
المشية عزف كمان
مين يسمعه جازف
يبات و يصبح يا عيني
يسأل ما هو عارف
ده السحر بالألحان
مفعوله ما يخالف