بقلم رجب ابو الحسن
ما فيش منك و لا نسخة
و لا ف إنتاج أعظم الأعمال
و لا ف خيال كتاب الخيال
و عازف الأورج
بيتهوفن
و لا سبيلبيرج
و لا جول فرن
و لا فانتازيا رأفت الميهي
و لا حتى ف خيال فينجر
ما فيش من نسختك موجود
و مش ممكن هتتكرر
نغم صوتك
في كوكب شرق
و عقلك حتى لو نايم
يفوز بالمركز الأول
ما بين الخلق
يفوز بالسبق
و لما تقولي بكلامك
من الرواد
فصاحة كل ما جادت علينا الضاد
و لو تغضب عليا واحدة جواكي
حداكي اتنين
حبيبة ترق
و واحدة زعلها لو تزعل
زعل يحرق
و لا براكين
ده غير النظم يتشدق
هجاء اتنين
جرير منك بيهجوني
هجاء منثور
فرزدق يسمع الترتيل
عليكي يثور
يا أجمل شعر يتقال
في كل عصور