أخبار عاجلة
FB_IMG_1651188869475

العشق آمر ناهي

بقلم رجب أبو الحسن

كل اللي ظنينا هيبقوا
ما بقيوش

كل اللي عاشوا جوه نن العين
فاتوا و ما فاتوش

و كل اللي وعدوا هيفضلوا
حلفوا وما وفوش

و تمر ليلة
.بعدها ليلة

ليالي طويلة
يا غايبين عن عينين صاحيين

نمتوا و ما ناموش
يا اللي رماك العشق

العشق صاح بيخون
احذر من القصة

ده اللي عشق مجنون
لا تصدق اللي حلف

ياما يمين و يهون
العشق ما ريح

و اللي فرح محزون
سألت عراف عن الأسباب

ليه الغرام ما بقي
ولا بقيوا أحباب

وإزاي أنا أتحاشاه
حاشاه ده غلاب

رد الحكيم بجواب
قفل السكك تقفيل

العشق حاكم طاغي
و المحكومين مفاعيل

يا نازل السلطنة
للسلطنة سلطان

يا تسلمه أمرك
يا يسلمك للجان

العشق آمر ناهي
و العاشقين خدام

سألت فين المهرب
قال الهروب ممكن

لا تنزل السلطنة
لا تزور و لا تسكن

شاهد أيضاً

%D8%AE%D9%88%D8%A7%D8%B7%D8%B1_%D8%B1%D8%A7%D9%82%D9%8A%D8%A9

خواطر نسرين

رحلة مع الذات بقلم / نسرين شحاده الخاطرة الأولى كل انسان في هذه الارض لديه …