باع بوص

باع بوص

الشاعر.. اشرف محمد السيد
باع بوص وخد أُجرتوا والكل ليه شايف ..
وقع على قَرعتوا راح البعيد خايف ..
وإللى إشتروا صنعتوا بيحلوا بقطايف ..
………………………………..
إللي يبيع عِزوتوا عَيل ومش راجل …
واللي يصون نعمتوا صوتوا بميت راجل …
إفهم يا واد فكرتي خليك حكيم راجل ..
…………………………………
الدنيا فيها العجب إصبُر وهتعدي..
خليك سريع إنما وقت الزحام هدي ..
وعد وعليَ إتكتب رزقي على قدي …
……………………………….
طيار يطير ف السما والكل حاسدينوا ..
وحمار وبغل إتظلم للجر سايبينوا ..
العصر طال العنب والقرع شايلينوا ..
…………………………….
نشال سرق محفظة منها العبير بيفوح..
فرح يا واد وإتحبس من غير فلوس هيروح ..
كبس البوليس كبستوا راح البعيد مفضوح ..
………………………………….
بياع ف سوق الدهب شارك حرامية ..
ضحكوا عليه وإشتروا بدل القيراط ميه ..
وإللي يعيش بالطمع راسوا مهوية ..
………………………………
الدنيا دي مدرسة والكل بيتاجر …
تاجر يبيع بالعشم تاجر لئيم فاجر ..
بايع وشاري أنا ولدنيتي مهاجر…..
………………………………