خلي العقاب بالمقصلة

خلي العقاب بالمقصلة
بقلم رجب أبو الحسن

نفسي انقطع ..
و الود قالوا ممتنع ..
و اتحججوا و قالوا الحروب ..
و زي الحبوب …
الود شح …
القلب منقوش بالندوب ..
و تراب بكح ..
الايد ما عادت تمسح الدمع اللي سح …
اجمد كده و اصلب قوامك …
واحد بيسخر من مقامك ..
و التاني لامك..
يا جاهلين بلوتي منك لأخوك…
ده أنا حد حارب يوم تبوك..
أنا من جبال مكة العتاة…
يا لايمين شكوتي ..
للغيمة مليون اتجاه …
أنا كنت فارس و لم أزل…
و مسموح لجواد بالزلل …
هو الحصان وقت انتهاء المهام ..
يتلقى رصاصات السلامة …
أم يموت زي الكرام ..
موت بالكرامة ..
نفسي اتقطع ..
حان السكوت …
ممكن جناب المستمع ..
تمنحني صوت …
افنيني إفناء اللي حارب لم خضع …
بلاش بالسوط…
أأمر فتنهى المسألة و المهزلة ..
.خلي الحساب من غير عذاب ..
خلي العقاب بالمقصلة ..
.اهديني موت